احمديوسف .الإسكندرية

الحياة فيها معادلة اسمها «الممكن و المطلوب».. اللي معاك دلوقتي.. ده الممكن، واللي نفسك توصله.. ده المطلوب..

طاقتك.. قوتك.. أموالك.. مواردك.. ظروفك، قدراتك الحالية.. وغيره.. ده اسمه «الممكن» يعني اللي في إيدك تعمله.. أو تملكه الآن..

أما «المطلوب» فهو حلمك، هدفك، الطموح اللي نفسك توصله.. يمكن يكون بيت، مشروع، علم، مكانة، أو حتى راحة بال.. الحكمة إنك ما تخلطش بينهم.. المطلوب يحدد لك الاتجاه، والممكن يعطيك البداية..

لو فضلت تبص بس على المطلوب من غير ما تتحرك بالممكن، هتعيش في الوهم.. ولو ركزت على الممكن بس من غير ما يكون عندك مطلوب واضح، هتفضل تلف في نفس الدائرة..