شعر
اقتلينى

الشاعر سمير احمد القط يكتب “اقتلينى”
اقتلينى الف مرة
الف مرة اقتلينى
لو صحيح انت قادرة
من جوه قلبك انزعينى
اقطعى حبل الوداد
واعلني صوت الجهاد
وانسي قلبي وضيعينى
انسي كل الذكريات
واللى عدى واللى فات
والكلام الحلو بينا
احذفيه واحذفينى
انسي كل مكان بذكرى
وامحي منك أى فكره
وأن قدرتي تعيشي بكره
عيشي وحدك واهجريني
ياما شوفت منك اسيه
ظلم قاسي كأنه غِيــه
والعتاب مافاد فى نصحك
غير دموع مكر ونديه
اقتلينى الف مرة
عشت عمرى كله ليكى
قلبى ..روحى وعقلى
فيكى
والزمن والحب يشهد
انى كنت اللى يداويكى
اقتلينى الف مرة
اوعى تقولي انى حابك
أو تظني اني اعاتبك
اللى راح مش جاى تانى
انتي بعتي وكتير ناسيِكِ
اقتلينى الف مرة
الف مرة اقتلينى



