مجاهد عبد الهادي
كان نفسي أقابلكم وش لوش
كان نفسي أسامحكم واقول معلش
بس انتو اللي اخترتوا البعد
نسيتوا اللي بينا زمان
كنتوا الفرح للحزن والأمل للعمر
الحضن اللي كان بيضم
جوايا احساس غريب بالظلم
موتوا جوايا الإنسان
قلبي متحملشي هوان
قلبي خلاص بقى كله اسى
من كتر الجفا
صبح شط مهجور
عليه ألف سور
راح فين الوفا
يا أهل الوفا
ليه الحنان أصبح جفا
ليه الوفا منكوا اختفى
من جوه القلوب
ليه كل شيء منكوا اتنسى
ولا الأمان اللي كان
بين الدفى راح من زمان
انا حبي كان زي الندى
فرش وغطا خليتوه غرقان
في بحر دموع
حلم مخنوق طريق فضى
مافيهوش رجوع
من كتر الجفا
