بقلم/نشأت البسيوني
في لحظه لما الدنيا تقف قدامك وتحس إن كل ثانية بتعدي منك من غير ما تسيبلك أثر أو طعم أو نفس تحس بيه بتحس إن الوقت بيمشي زي النهر اللي بيروح في صمت والناس كلها ماشيه في طريقها وانت واقف تحاول تفهم هو فين انت فين اللي فاتك فين اللي مستنيك كل حاجة حوالينك بتجري وانت ساكن جواك بتحاول تلم نفسك تجمع الباقي من قلبك من روحك من كل لحظه ضاعت
منك بتحاول تفهم ليه الحياه مش زي اللي رسمتها ليه الناس بتروح من غير ما تسيب سبب ليه الضحكه بتختفي فجأه والدمعه بتكون أسرع من أي فرح حاولت كل يوم تلاقي فيها معنى حاولت كل يوم تقول لنفسك بكرة أحسن بس بكرة كان دايمه زي اللي قبله مليان صمت مليان انتظار مليان لحظات مفيش فيها ضوء غير ضوءك اللي بتحاول تحافظ عليه حاولت تفهم ليه كل حاجة حوالينك
بتتغير وانت زي ما انت واقف ساكت بتتسائل لو الزمن يرجع تاني هتعمل نفس الاختيارات ولا هتغير حاجة ولا هتلاقي نفسك تقدر تتحرك أسرع ولا هتفضل واقف على حافه كل حاجة حوالينك بتتبدل وانت بتحاول تمسك على الباقي منك على النفس اللي لسه عايشه على الذكريات اللي لسه فيها طعم بتحاول تعرف ليه بعض الناس بييجوا في حياتك يسيبو أثر ليه بعضهم يروحوا من غير ما
يحسوا حد بيهم ليه بعض الأيام بتحسها ثقيله وبتجرى وأنت مش قادر تمشي ليه نفسك تتعب قبل ما الوقت يخلص ليه بتحس إن كل حاجة حوالينك صامتة وانت جوه قلبك صخب من غير صوت من غير فرحة من غير أي وعد بتحاول تصنع لنفسك لحظة من فرحة ولو صغيرة تحاول تقول لنفسك إن اللي جاي ممكن يكون أفضل حتى لو مفيش دليل تحاول تصمد تحاول تبني نفسك من جديد
تحاول تسمع صوتك اللي ضاع وسط الضوضاء تحاول تحس إنك لسه موجود إن لسه عندك جزء صغير من القوة من الحياه من القدرة على الحب على الصبر على التحدي تحاول تمسك على نفسك وتحافظ على اللحظة اللي فاضلة تحاول تلاقي الطريق حتى لو مليان عراقيل حتى لو مليان صعوبه تحاول تعرف إن الوقت مش مجرد ساعة بتعدي الوقت كل لحظه فيه درس كل لحظه فيه فرصة
كل لحظه فيه جزء منك بيرجعلك من جديد تحاول تعرف إن اللي ضاع مش كله راح وإن اللي جاي ممكن يكون أحسن لو قدرت تفتح عينك وتشوفه وتحس بيه وتعيش اللحظة وتحاول تبني منها بداية جديدة مهما كان التعب اللي جواك مهما كان صمت الأيام اللي فاتت مهما كانت الضحكه اللي راحت عليك انت قادر تحافظ على نفسك وتكمل وتلاقي مكانك في الوقت اللي لسه موجود تحاول تسمع
قلبك قبل ما العالم يسمعك تحاول تكون صادق مع نفسك قبل ما تكون صادق مع أي حد تاني تحاول تعرف إن كل ثانية ضايعه ممكن ترجعلك من جديد لو قررت تبدأ تاني
