متابعة ياسر زينهم
اللي حصل امبارح في ملعب نيويورك نيوجيرسي مش تعادل عادي
المغرب نزل قدام البرازيل وخرج متعادل 1-1 بس وهو رافع راسه ومسيطر على الكورة لحد آخر ثانية في الوقت بدل الضايع
هدف عالمي من صهبارة
من منتخب مفاجأة لمنتخب عالمي
الحاجة اللي لازم نقف عندها مش الهدف بس
الحاجة هي آخر 10 دقايق
المغرب ما لعبش على التعادل
المغرب هو اللي كان ماسك الكورة بيمرر بيتحرك والبرازيل هي اللي بقت تجري وراها
دي نقلة
من 2022 واحنا بنقول المغرب كسر الحاجز بس امبارح المغرب كسر الفكرة نفسها إن الفرق الكبيرة هي اللي تفرض أسلوبها
80,663 متفرج في الاستاد والأغلبية كانت لابسة أصفر بس اللي سمعنا صوته في آخر ربع ساعة كان الجمهور المغربي عشان الفريق في الملعب كان بيلعب كورة تخليك تصدق
الخلاصة في كبسولة
المغرب ما بقاش “الحصان الأسود” المغرب بقى فريق عالمي بجد
فريق ينزل قدام 5 مرات بطل عالم يستقبل هدف ما يتهزش ويسجل ويكمل ضغط ويخرج متعادل وهو اللي ندمان إنه ما كسبش
كأس العالم 2026 لسه في أوله بس المغرب بعت الرسالة بدري إحنا هنا مش عشان نتصور إحنا هنا عشان نلعب
