بقلم/نشأت البسيوني

في لحظات كتير بتحس ان في حاجه ماشية جنبك من غير ما تلمس ايدك ولا ترد على اسئلتك ولا حتى تبص في وشكك حاجه كأنها نسخه منك لكن اهدى منك واكثر صمتا وكأنها بتجمع كل اللي انت سايبه وراك من افكارك وخوفك وارتباكك ومع كل يوم بتحس ان الممر الخفي ده بقى اقرب من اللي حواليك بقى فاهمك من غير ما تتكلم حافظ ردودك قبل ما تنطق شايفك وانت بتتظاهر بالقوه

قدام الناس وانت من جواك بتتمنى لحظه واحده تطلع فيها صدقك من غير ما تخاف يتفهم غلط او يتاخد ضدك وساعات بتحس ان اللي ماشي جنبك ده مش مجرد خيال لكنه النسخه اللي كان نفسك تبقى عليها النسخه اللي مابتتهزش مابتتعلقش بحد ومابتتأثرش بكلمه النسخه اللي بتمشي بثبات بينما انت بتتخبط في طريق انت مش عارف إن كان اختيار ولا مجرد اضطرار ومع كل موقف بتمر

بيه بتعرف ان وجوده مش جاي يعلمك القوه ولا جاي يثبت لك انك ضعيف بالعكس جاي يفكرك انك مش لوحدك جاي يقولك ان مهما اتهزيت في لحظاتك الصعبه لسه جواك حاجه بتكمل وراك حاجه ماسكه فيك وبتشدك لقدام حتى لو انت مش شايف ده وفي اخر اليوم بتكتشف ان الممر الخفي ده هو اقرب نسخه حقيقيه منك النسخه اللي شايفاك بعيوبك وبحيرتك وبوجعك النسخه اللي واقفه

جنبك من غير شروط ومن غير صوت ومن غير لوم كل اللي بتعمله انها بتفكرك انك قادر تكمل مهما كان الطريق تقيل