بقلم/نشأت البسيوني

في بعض الاوقات تلاقي نفسك واقف في منتصف حياة ما طلبتهاش ولا اخترت تفاصيلها حياتك ماشية لقدام بس روحك واقفة مكانها كأن بينكم مسافة طويلة محدش شايفها غيرك وتشعر انك محاصر بين اللي لازم تعمله واللي نفسك فيه وبين الحقيقة اللي قدامك والحلم اللي جواك وبين قوتك اللي الناس شايفاها وضعفك اللي محدش يعرفه وفي الزحمة دي تكتشف انك بقيت

تميل للسكوت اكتر مش لانك ما عندكش كلام لكن لانك اتعلمت ان مش اي حد يستحق يسمع وجعك ولا اي حد هيقدر يشيل ثقل اللي جواك فتختار تحفظ اللي في قلبك وتشيل حملك بيدك وتكمل طريقك حتى لو كنت ماشي لوحدك وتفهم ان مش كل تعب بيبان على الوش ومش كل جرح لي صوت ومش كل انسان بيعرف يصرخ بعض الالام بتتعلم تعيش جواك من غير ما تطلب مساحة ومن غير

ما تستأذن وتفضل موجودة لحد ما ييجي يوم تكتشف انك رغم كل ده لسه واقف ولسه قادر ولسه بتكمل مهما اتكسرت ومع الايام تدرك انك ما كنتش محتاج حد يطيبك قد ما كنت محتاج فرصة تتنفس فيها من جديد فرصة تقول لنفسك انك تستحق راحة بسيطة وهدنة من الحياة وانك مش مجبور تفضل قوي طول الوقت وان الضعف مش عيب ولا هزيمة بل لحظة انسانية بتكشف

لك صورتك الحقيقية وفي اخر الطريق تلاقي انك اتغيرت من غير ما تحس بقيت اهدى بعقلك اعمق بروحك اوضح في فهمك لنفسك اكتر قدرة على اختيار اللي يناسبك واكتر جرأة انك تسيب اللي بيعطلك وتعرف ان اللي ربنا كتبه لك هييجي مهما اتأخر واللي مش ليك هيمشي مهما حاولت وتخرج من التجربة دي وانت فاهم ان القدر لما يختبرك مش بيكسر قلبك علشان يهزمك لكنه بيكشف لك

الطريق اللي جواك الطريق اللي عمرك ما كنت هتشوفه لو ما وجعتش ولو ما سكتش ولو ما قابلتش نفسك في اللحظات اللي محدش شافها غيرك