بقلم /رحاب الحسيني
“فنزويلا” تريند، والعالم كله بيتكلم عن ضربة عسكرية أمريكية هناك،
حـ، ،،رب عربيه قادمه والولايات المتحدة تأمن النفط والبترول بعد سيطرتها علي فنزويلا ؟؟؟!
وتعالوا نفصص الحكاية بهدوء عشان نفهم أبعاد القصة دي كويس
لأن اللي حصل ده للأسف هيغير حاجات كتير في العالم الفترة الجاية.
في سنة 2019، وفي وقت ناس كتير كانت شايفة كلامه مجرد تهويل أو نظريات غريبة، الإعلامي توفيق عكاشة طلع واتكلم بشكل مباشر وواضح عن اللي بيحصل في فنزويلا وربطه بحاجة أكبر بكتير من مجرد أزمة دولة بعيدة عننا، عكاشة قال وقتها إن اللي بيحصل في فنزويلا مش ثورة جياع ولا صراع سياسي داخلي بس، لكن جزء من صراع عالمي على الطاقة والنفط وإن الولايات المتحدة بتتحرك بخطة طويلة النفس علشان تأمّن نفسها قبل انـ.ـفجار صراعات أكبر في العالم العربي
ايوا يا صديقي ما موضوع فنزويلا دا صراع قديم مش جديد يعني
عكاشة شرح إن فنزويلا مش أي دولة، دي الدولة اللي بتمتلك أكبر احتياطي نفط مؤكد في العالم، أكبر من السعودية نفسها، لكن المشكلة إن النفط هناك تقيل ومكلف في الاستخراج، وده خلاه دايمًا تحت سيطرة شركات كبرى وتدخلات سياسية، ولما النظام الفنزويلي حاول يحتفظ بثروته ويميل لروسيا والصين، بدأت الضغوط والعقوبات والانقسامات الداخلية تظهر بشكل مفاجئ وسريع.
وقال إن أمريكا بعد اللي حصل في الشرق الأوسط من عدم استقرار، وبعد ما شافت إن النفط العربي ممكن يبقى سلاح ضغط في أي لحظة، قررت إنها ما تبقاش رهينة منطقة واحدة، فلازم يكون عندها بديل ضخم وآمن، وهنا تيجي فنزويلا، القريبة جغرافيًا، والغنية نفطيًا، واللي أي فوضى فيها تفتح الباب لتدخل سياسي أو اقتصادي أو حتى عسكري تحت مسميات مختلفة.
الأهم في كلامه وقتها إنه ربط ده بتوقع حرب أو صدام كبير في المنطقة العربية، وقال إن أي حرب واسعة في الشرق الأوسط معناها تهديد مباشر لإمدادات النفط العالمية، وأمريكا دولة بتفكر قبلها بسنين، فمش هتستنى لما الحرب تحصل وبعدين تدور على نفط، لكن بتأمن نفسها من بدري، وده اللي خلاها تضغط على فنزويلا وتحاصرها اقتصاديًا وتدعم انقساماتها الداخلية
كلامه وقتها اتهاجم واتسخر منه، لكن مع مرور السنين شفنا إزاي العقوبات الأمريكية على النفط الفنزويلي كانت من أعنف العقوبات، وإزاي ملف الطاقة بقى محور أساسي في أي صراع عالمي، وإزاي أي دولة عندها نفط ب
