حسن حفني// أسوان

قدام جميع البشر بضحك وكني سعيد
والحزن حكم القدر طوق معاي الجيد
عايش بعد الأمل ع السبحه يوم ورا يوم
عيني ما طايقه النوم والحرقه فيك بتزيد
مسكين يا قلب البري مظلوم ك قيس ليلاه
صبرك ك سبع المحن شمس و قمر ليلاه
من يوم ما حسك قطع لا ف حضني ولا جاري
شعللت ناري ودمع الفرقه زاد ويلاه
البيت ماليه القسى والفرح فيه شبا بيك
يا ابو ضحكه لا تتنسى يا شب زين شبابيك
يا خيي وين اللقا متى ينتهي همك
مشتاق اضمك واوزع فرح م الشبابيك
ولا شفنا منك قسى ولا كنت يوم عاق ابوك
ولا حد منك شكى ولا صحبتك يآبوك
كل اللي كان يلاقيك يبقى السلام عيدو
ظلموك حبيبي ومن دون الشباب عاقبوك
طال الفراق و الشوق فطر قليب أمك
كل الهموم اتهون ولا هم زي همك
بدعي لرب السما ف ركوعي وسجودي
يا فرحه عودي و أشوفك خيي وأضمك
فرجك يا صاحب الفرج ليل ونهار براضيك
فك الكروب والهم واكرمنا يوم براضيك
وحياة حبيبك نبي تجبر قليب الصبي
يرجع سليم وصبي وأسعدنا دوم براضيك
حسن حفني