كلماتي /أم هاشم العيسوي
انا مش زعلان علي اي حلو قدمته
بالعكس انا شخص مسالم لابعد الحدود
وأمري وحالي لله وحده سلمته
واللي معاه ربه دايما بين الخلق مسنود
وهزعل ليه واتأثر علي حاجه ضاعت
حياتنا كلها مكتوبه وراضييين بالقدر
مش هتفرق معاك ناس اشترت وناس باعت
طالما انتا قلبك عمره في يوم ما غدر
حياتك بايدك تحليها وتبدأ من جديد
واوعي تربط قلبك بمخلوق
قربك لله قادر يجعلك فرحان وسعيد
وغير قربه عمرك منك تايه مسروق
الحياه مهما تاخد منا اكيد لينا فرص
شاطر تستغلها وتكون صاحب سيره
شاور علي حد عمره منها ما اتأرص
بسيطه وعايزه اللي يفهمها من غير حيره
محتاجه حبة صبر وحبة رضا
وتسعي بكل عزيمه وإراده
محتاجه تأمن بالقدر وبالقضا
عشان الايمان بصفاته عباده
كنت غني أو كنت بسيط الحال
النهايه يا صاحبي أكيد محتومه
توكلك علي الله يغنيك عن أي سؤال
عشان الأرزاق من فوق سبع سماوات مقسومه
