محمد طالب متفوق ومحترم بشهاده كل مدرسيه واهله ناس طيبين وعلي اد حالهم بس عايشين باحترام وماشيين جنب الحيط الولد كان حلمه يدخل مدرسه حلوه في اعدادي علشان المنطقه هناك جنب بيته مدارسها وحشه واجتهد السنه اللي فاتت وطلع من الاوائل وبسبب ضيق الحال الاب اضطر يدخله مدرسه اعدادي جنب البيت توفيرا لفلوس المواصلات والولد اضطر يدخلها احتراما للظروف لكنه فضل مصر علي التفوق والتميز والاخلاق ويتصادف معاه مدرس عربي اقل ما يقال عنه انه مستغل ومش بس كده لاه البيه من اول يوم ومن اول املاء وشاف شطاره الولد من هنا وقعد يقول له انت بتاخد درس فين والولد يرد عليه ويقول له انا يذاكر في البيت يرد عليه المدرس وليه متاخدش معايا درس انا الدرس بتاعي الساعه تسعه الصبح يعني قبل المدرسه ولما محمد مراحش المدرس حطه في دماغه واتلكك له علي اي حاجه وقام ضربه وشده من ايده والولد ضعيف بعد طبعا ما قال له اللغه الرسميه للمدرس المحترم (اطلع لي ياروح امك )
وقعد يضربه بالخرطوم علي مقعدته لغايه ما الولد انهار من العياط امام الطلبه ولما روح الام حاولت تهدئه محمد الا انه فضل يعيط من الالم من صوباعه ومقعدته الام نزلت فورا المستشفي وعملت له آشعه واظهرت تمزق في الاربطه والدكتور اوصي بعدم استخدام اليد لمده حتي لا تصاب بكسر
اه نسيت اقول لكم إن من وسط تهديدات المدرس للولد ال١٠درجات اعمال السنه انه مش حيديهم له إلا لو اخد درس زي بقيه الولاد والله المدرس ده صعبان عليا اوووي
الكارثه بقي لما الام تكون ماشيه جنب الحيط علشان العيال تاكل وتتعلم وانت في ثانيه تخليها تستلف فلوس علشان تروح دكتور
اسم المدرسه المتحده (٤)
إدارة المنتزة التعليميه
الاسكندريه
